મારા વિશે

પોતા વિષે કાઇ કહેવુ...થોડુ અજીબ તો લાગે જ છે..પણ બહુ થોડા લોકો મને જાણે છે, તેથી આ રિતે પુરા વિશ્વ સમક્ષ પોતા માટે કઇ કહેતા આનન્દ પણ તેટલો જ થાય છે. મારા દાદીમાથી વાર્તાઓ સામ્ભળતા-સામ્ભળતા નાનપણથી જ કલ્પનાઓ કરતા અને તેમા વિહરતા શીખી છુ. આજે પણ મને મારી કાલ્પનિક દુનિયા જ વધારે ગમે છે. જેનો સીધો સમ્બન્ધ મારી આન્તરીક પરિસ્થિતિ સાથે છે. જેમ દરેક વાર્તાનો અન્ત સુખદ હોય છે,તેવી જ રિતે મારા દરેક રસ્તા સુખ તરફ જ જાય છે. આમ હુ ખુબ જ હકારાત્મક વલણ ધરાવુ છુ. ક્યારેક નાની-નાની વાર્તા લખી લઉ છુ, તો ક્યારેક એકાદબે પન્ક્તિ કાવ્યની.. એકાદ વાર તો મારી ટુન્કી વાર્તા સ્પર્ધામા પણ મોક્લાવી છે..જોકે તેનુ મને કોઇ પરિણામ કે પારિતોષિક નથી મળ્યુ,પરન્તુ મારા આત્મવિશ્વાસમા જરુર વધારો થયો છે.. મારા દેશ અને મારા પ્રદેશ પ્રત્યે જરા વધારે પડતી લાગણી ધરાવુ છુ.તેના વિશે કૈ પણ નિષેધક સામ્ભળી નથી શક્તી.મારી ભાષાથી પણ તેટલોજ લગાવ છે.. અસત્ય બોલી નથી શકતી અને સામ્ભળી પણ નથી શકતી. મને ઝરમર વરસાદમા પલળવુ ગમે છે..રાતના અન્ધકારમા તારા જોવા ગમે છે.. "દરીયા કિનારે,વહેલી સવારે મારા પ્રિય લેખકનુ પુસ્તક અને સાથે મારુ પ્રિય સન્ગીત" આ મારી પહેલી અને અન્તિમ પસન્દગી છે..અને એજ મારા સુખની ચરમસીમા છે. જેટલુ મારી પાસે છે તેનાથી વધારેની મારી કોઇ ઇચ્છા કે અપેક્ષા નથી.

8 સપ્ટે, 2010

મારો સજન...

સજન મને ઝૂલો ઝૂલાવે..
આભને આડકવાને આતૂર આ હૈયાને
ફરી ફરી પાછું બોલાવે...સજન મારો ઝૂલો ઝૂલાવે.

પહેલી તે ઠેંસ લેતી પહોચું હું વાદળમાં,
મેઘધનૂ રહેતું જ્યાં લઇ રંગ સાત..
નીલી-પીળી છોળોને આંબવાને જાઉં ત્યાતો..!
રસભરી ધરતી બતાવે...સજન મારો ઝૂલો ઝૂલાવે.

બીજી ઠેંસ લેતાંવેંત તારલીયે પહોચી હું,
એ તો જાણે ટમટમતાં સિંદૂરી સોંણલા..
આ તે કાંઇ તારા? કે છે સજનની આંખળી..!
પ્રિતભરી વાણિ સૂણાવે...સજન મારો ઝૂલો ઝૂલાવે.

ત્રીજી તો ઠેંસે હું ચાંદલીયે પહોંચું છું,
એ તો જાણે મઘમઘતો મોગરાનો ઢગલો..
આ તો એજ મોહકતા! જે મારા સાજનની..!
મદભરી યાદો અપાવે...સજન મારો ઝૂલો ઝૂલાવે.

ઉષ્મા

3 ટિપ્પણીઓ:

  1. ત્રીજી તો ઠેંસે હું ચાંદલીયે પહોંચું છું,
    એ તો જાણે મઘમઘતો મોગરાનો ઢગલો..
    આ તો એજ મોહકતા! જે મારા સાજનની..!
    મદભરી યાદો અપાવે...સજન મારો ઝૂલો ઝૂલાવે.

    very nice

    જવાબ આપોકાઢી નાખો
  2. આભાર નિશિતજી..તમારી comments મને જુસ્સો અપાવશે..
    આમજ માર્ગદર્શન આપતાં રહેશો તેવી આશા કરું છું.

    જવાબ આપોકાઢી નાખો
  3. હા ભઇ હા "તમારો સજન"...... :)

    ખરેખર બહુ મસ્ત લખ્યુ છે....

    જવાબ આપોકાઢી નાખો